Çavuşoğlu Könbatış Trakiyada
Ministr törek azçılığı möftiläre belän küreşte
Törkiyä tışqı êşlär ministrı Mäwlüt Çavuşoğlu Könbatış Trakiyada törek azçılığı möftiläre belän küreşte.
Könbatış Trakiya häm başqala Afinanı üz êçenä aluçı 2 könlek säfäre qısalarında bügen Greŝiyağa kitkän Çavuşoğlu yanındağı wäkillek belän bergä berençe itep Komotinida söyläşülär ütkärde.
Törek ministrı Törkiyäneñ Komotinidağı baş konsullığında Könbatış Trakiyadağı Törek azçılığı kiñäşmä şurası başlığı häm Komotinineñ saylanğan möftiye İbrahim Şerif häm Ksantineñ saylanğan möftiye Äxmät Metene qabul itep, azçılıqnıñ wazğıyäte xaqında mäğlümat aldı.
Çavuşoğlu möftilär belän ütkärgän söyläşüdän soñ Twitterda tübändägeçä yazdı: “Möftilärebezneñ êşçänlekläre törek azçılığınıñ berlege häm berdämlegeneñ saqlanuı häm nığıtıluına zur öleş kertä.”
Mäwlüt Çavuşoğlu soñınnan Komotinidağı Celal Bayar Azçılıq liŝeyına yul tottı, biredä mäktäptäge törek uqıtuçılar häm uquçıları tarafınnan qarşılanıp, mäktäp binasın gizde.
Ministr Könbatış Trakiya säfärendä qawemdäşlärenä Törkiyä ilbaşı Räcäp Tayyip Ärdoğannan sälamen citkerde.
Çavuşoğlu soñınnan Komotiniğa bäyle bert örek awılında oyıştırılğan aş mäclesendä qatnaştı.
