Törkiyäneñ üz vakśinası qayçan çığaçaq?

İlbaşı sarayında bu xaqta söyläşü öçen utırış cıyıldı

1645742
Törkiyäneñ üz vakśinası qayçan çığaçaq?

 Änkarada Törkiyä ilbaşı sarayında “Cirle vakśina êşçänlegen tikşerü cıyılışı” uzdı. İlbaşı kiñäşçese Foat Oktay citäkçelegendä ütüçe çarada sälamätlek saqlaw ministrı Fäxretdin Koca, sänäğat’ häm texnologiya ministrı Mostafa Varank häm başqa oyışma wäkilläre qatnaştı.

Utırışta sonğı aylarda tağın 2 cirle vakśinanıñ klinik êtapqa kilep citüe belän tulayım sannıñ 4kä citüe assızıqlandı. Alar aşığıç qullanuğa röxsät alu belän küpläp citeşterüdä bernindi xilaflıqlar çığarğa tiyeş tügel. Monıñ öçen kiräkle çaralar xaqında da söyläşende.

Kayserinıñ Ärciyes universitetı professorı Aykut Özdarendeli uylap tapqan aktiv bulmağan vakśinanıñ 2nçe faza näticäläre belän bäyle uñay xäbärlär xaqında da süz buldı. 3nçe faza programmasına küçü öçen äzerleklär axırğa yaqınlaşa. Anı iyün’neñ berençe atnasında başlarğa planlaştıralar. 3nçe faza êşçänleklären tağın da zurraq törkem belän alıp baraçaqlar. Vakśinanıñ sentyabr’-oktyabr’ aylarında aşığıç qullanu röxsäten alırğa niyätlilär.  

Törkiyäneñ koronavirus vakśinaları qullanuğa kersä, monıñ dön’yada preparatlarğa ireşä almawçı däwlätlär öçen ömet bulaçağı uylanıla.



Bäyläneşle xäbärlär