Әрдoгaн дөньяны Изрaилнe туктaтыргa чaкырды / Ärdoğan dönyanı İzrailne tuqtatırğa çaqırdı

İlbaşı Räcäp Tayyip Ärdoğan: "İslam illäre belän bergä böten dönyanı İzrailneñ Äl-Äqsa mäçetenä, Qudüskä häm fälästinnärneñ öylärenä höcüm itüenä qarşı çara kürergä çaqıram”, - dip äytte

1636691
Әрдoгaн дөньяны Изрaилнe туктaтыргa чaкырды / Ärdoğan dönyanı İzrailne tuqtatırğa çaqırdı

İlbaşı Ärdoğan balaları “PKK” separatist terror oyışması tarafınnan urlanğan Diyarbaqır äniläre belän iftar programmasında oçraştı.

Ärdoğan biredä yasağan çığışında: "Qudüs-Yerusalimdä Äl-Äqsa mäçetenä häm möselmannarğa qarşı cirängeç höcümnärneñ xäzer ük tuqtatıluın telibez”, - dip äytte.

"Qudüsne häm möselmannarnı saqlıy almağan dönya üzenä xıyanät itkän, üzen yuq itäçäk bombanı şartlawğa äzer xälgä kitergän dimäk”, - dip iskärtep uzuçı İlbaşı "İslam illäre belän bergä böten dönyanı İzrailneñ Äl-Äqsa mäçetenä, Qudüs-Yerusalimgä häm fälästinnärneñ öylärenä höcümnärenä qarşı xäräkätkä küçärgä” çaqırdı.

İlbaşı: "İzrail däwläteneñ höcümnärenä tawışsız qalıp yäki layıqlı totış kürsätmiçä tiräläp yaqlaw kürsätüçe härkem anda yäşängän zolımğa urtaq”, - dip kisätte.

"Zalim İzrail, terror däwläte İzrail möqaddäs urınnarın saqlaw, meñnärçä yıllıq öylären, cirlären saqlawdan tış hiçber maqsatları bulmağan Qudüstäge möselmannarğa räximsez häm äxlaqsız räweştä höcüm itä”, - dip äytüçe Ärdoğan: "Törkiyä bularaq härwaqıtta bulğanı kebek bügen dä Qudüs-Yerusalimdäge qardäşlärebezneñ, Fälästin geografiyasındağı böten möselmannarnıñ yanında bez”, - dip äytte.

İzrail poliśiyasınıñ Äl-Äqsa mäçetendä, Dimäşq qapqası häm Şäyex Cärrah mäxälläsendä fälästinnärgä qarşı höcümnärendä 200dän kübräk keşe yaralanğan ide.

Töbäktä İzrail poliśiyasınıñ höcümnäre däwam itä.



Bäyläneşle xäbärlär