"Hӓr watandaşıbıznıň mullıq dӓrӓcӓsen kütӓrü, êş belӓn taêmin itüne arttıru östendӓ êşlӓyӓçӓkbez"
İlbaşı bu xaqta 1 nçe may – xezmӓt hӓm telӓktӓşlek köne uňayınnan yasağan yullamasında citkerde
Törkiyӓ ilbaşı Rӓcӓp Tayyip Ӓrdoğan 1 nçe may – xezmӓt hӓm telӓktӓşlek köne uňayınnan yullama yasadı.
Anda tübӓndӓge yullar urın ala: “Maňğay tire tügep êşlӓgӓndӓ ilebezne dӓ üstergӓn êşçelӓrebezne 1 nçe may - xezmӓt hӓm telӓktӓşlek köne belӓn qotlıym. Watandaşlarnıň kilӓçӓkkӓ ışanıç hӓm ömet belӓn qarıy belülӓreneň ber yağı – xezmӓttӓ ğadellek urnaştıru. Bez bu aňlayış belӓn bügengӓ qadӓr tormışqa aşırğan iq’tisadi sӓyӓsӓtlӓrdӓ keşene üzӓkkӓ quyıp xӓrӓkӓt ittek,êşçelӓrneň xoquqların hӓm mӓnfӓğӓt’lӓren yaqlaw öçen tırıştıq. Törkiyӓdӓ hӓr watandaşıbıznıň mullıq dӓrӓcӓsen kütӓrü, êş belӓn tӓêmin itüne arttıru östendӓ êşlӓyӓçӓkbez”.
İlbaşı barlıq êşlӓwçelӓrneň şartların yaxşırtu, iň yaxşı xezmӓt xaqın aluları hӓm ğadel êş şartları tudıru öçen möhim adımnar yasağannarın hӓm bu yünӓleştӓ êşçӓnleklӓrne dӓwam itülӓren assızıqladı.
