Êrsin Tatar Törkiyӓgӓ sӓfӓr yasıy

Tön’yaq Kipr Törek Cömhüriyӓte ilbaşı Êrsin Tatar bügen (26 nçı aprel’dӓ)  Törkiyӓgӓ êşlekle sӓfӓr yasıy. Ul ilbaşı Rӓcӓp Tayyip Ӓrdoğannıň çaqıruı buyınça Törkiyӓgӓ kilӓ.  

İlbaşı idarӓseneň êlemtӓ bülege belderüenӓ qarağanda sӓfӓr qısalarında Törkiyӓ belӓn Tön’yaq Kipr Törek Cömhüriyӓte arasındağı mönӓsӓbӓtlӓr törle yaqlap qaralaçaq, xezmӓttӓşlekne yaxşırtu adımnarı söylӓşelӓçӓk.

Oçraşularda şulay uq 27 – 29 nçı aprel’ könnӓrendӓ Şveyśariyӓneň Jeneva qalasında uzaçaq “Rӓsmi bulmağan 5 + Berlӓşkӓn Millӓtlӓr Oyışması cıyılışı” turında hӓm Kipr mӓs’ӓlӓsenӓ qağılışlı soňğı tӓrӓqqiyӓt’lӓr xaqında fiker alışılaçaq.