Törkiyä - küp balalı il

İlneñ statistika oyışması 2020nçe yılğı kürsätkeçlärne citkerde

1624850
Törkiyä - küp balalı il

Törkiyädä 22 million 750 meñnän artıq bala yäşi. İlneñ statistika oyışması 2020nçe yılğı kürsätkeçlärne citkerde.

Adresqa nigezlängän xalıqnı terkäw sisteması sannarına qarağanda, Törkiyädä tulayım 83 million 614 meñ 362 keşe yäşi. Şularnıñ 27,2 %ı balalar.

Ägär Awrupa Berlege däwlätläre belän çağıştırsaq, anda iñ küp balalı däwlätlär bolar: İrlandiyä – 24,2%, Franśiyä – 21,6% häm Şveśiyä – 21,1%. Kürengänçä, Törkiyädä balalar sanı barlıq Awrupa illärennän uzdıra.

Süz uñayınnan, Törkiyädä yaña tuğan balalarğa quşılğan iñ populyar isemnär uzğan yıl Yosıf, Äymän häm Mostafa bulğan. Qızlar öçen isä yışraq Zäynäp, Asel häm Älif isemnäre saylanğan.



Bäyläneşle xäbärlär