Törkiyä Ukrainanı yaqladı

İstanbulda Ärdoğan belän Zelenskiy oçraştı

1618740
Törkiyä Ukrainanı yaqladı

Törkiyä ilbaşı Räcäp Tayyip Ärdoğan räsmi säfär belän kilgän Ukraina däwlät başlığı Vladimir Zelenskiynı İstanbulda qabul itte. Küzgä-küz häm delegaśiyälär arası oçraşulardan soñ matbuğat cıyılışı buldı. Ärdoğan andağı çığışında Qara diñgezne tınıçlıq, xozur häm xezmättäşlek diñgeze itüneñ töp maqsatları buluın belderde.

“Törkiyä isemennän Ukrainanıñ cir bötenlegen häm suverenlığın köçle räweştä yaqladıq,”-dide ul. Ärdoğan Mäskäw belän Kiyev arasındağı krizisnıñ xalıqara xoquq nigezendä häm diplomatik yullar belän çişü kiräklegenä ışanuın da äytte.

İlbaşı Törkiyäneñ Ukraina belän xezmättäşlegeneñ berniçek tä öçençe däwlätlärgä qarşı kereşü bulmawın da assızıqladı.

Ärdoğan Ukraina liderı belän oçraşuında Qırımnıñ annekśiyäsen tanımawnıñ prinśipial’ qarar buluın tağın ber qat rasladı.

Zelenskiy isä: “Törkiyäneñ suverenlığıbız häm cir bötenlegebezne yaqlawı bezneñ öçen bik ähämiyätle,”-dip belderde.



Bäyläneşle xäbärlär