"Törkiyädä yartı million süriyäle bäbi tudı"

Bu xaqta Törkiyäneñ BMO daimi wäkile belderde

1610967
"Törkiyädä yartı million süriyäle bäbi tudı"

Törkiyäneñ Berläşkän Millätlär Oyışması daimi wäkile Feridun Sinirlioğlu Törkiyädä illären belmäwçe yartı million süriyäle bäbineñ tuuın äytte.

BMO İminlek şurasında Süriyädäge humanitar wazğıyät’ qaralğan utırışta çığış yasağan Feridun Sinirlioğlu rejim üz xalqına qarşı başlatqan suğışnıñ 10 yıl baruın xäterlätep:

“Xalıqara cämğıyät’ bularaq haman da Süriyädäge qırıslıq häm keşe xoquqların bozularnı beterä almadıq. İldä yortsız qaluçılar häm qaçaqlar sanınıñ artuın tuqtata almadıq. Süriyädä yärdämgä moxtaclarğa citärle humanitar yärdäm kürsätä almadıq,” – dide.

Wäkil Sinirlioğlu qaçaqlarnıñ 86%ka imin bulmağanı öçen illärenä qaytırğa telämäwen citkerep, Süriyägä yärdäm kürsätü mömkinlegen tudıruçı BMO mexanizmı iyul’ ayında yañartılmağan oçraqta yaña qaçaqlar dulqınınıñ barlıqqa kilä alaçağın äytte.



Bäyläneşle xäbärlär