Törkiyädä däwalanu

Törkiyäneñ sälamätlek saqlaw tarmağındağı aldınğı êşläre, alğa kitkän texnologiyälär häm mömkinlekläre här yıl meñnärçä çit il keşesen üzenä tarta. Mediśina turizmı belän qızıqsınu torğan sayın arta. Teşlärne däwalaw öçen genä dä meñnärçä awıru Törkiyäne saylıy.

Törkiyä mediśina turizmında dön’yadağı aldınğı 10 däwlät arasında. İsemlekneñ başında çäç küçerep utırtu, êstetik operaśiyälär häm ÊKO urın ala. Ämma populyar mäydannar bolar ğına tügel.

Törkiyä teş däwalawda da dön’yada şaqtıy aldınğı. 2020nçe yıl mäğ’lümatlarına qarağanda, çit ildän 100 meñ keşe näq’ menä şunıñ öçen kilgän.

Sälamätlek öçen Törkiyäne saylawçılarnıñ kübese Awrupa däwlätlärennän. Belgeçlär äytüençä, monıñ säbäbe awırularnın üz illärendäge çirattan häm bäyälärdän qanäğat’ bulmawı. Törkiyädä şul uq sıyfattağı däwalaw oçsızraqqa töşä.