Çavuşoğlu: “Törkiyä terror oyışmaları belän köräş alıp baruın däwam itäçäk”

Tışqı êşlär ministrı Mäwlüt Çavuşoğlu Törkiyäneñ Süriyäneñ cir bötenlegen saqlarğa, tınıç xalıqnı yaqlarğa häm terror oyışmaları belän köräşüne däwam itäçägen belderde

1599513
Çavuşoğlu: “Törkiyä terror oyışmaları belän köräş alıp baruın däwam itäçäk”

Mäwlüt Çavuşoğlu Qatar başqalası Dohada oyıştırılğan Törkiyä- Rusiyä-Qatar öç yaqlı tışqı êşlär ministrları cıyılışınnan soñ yasağan çığışında Süriyädä yäşängännär belän bäyle bularaq Rusiyä häm Qatar belän öç yaqlı kiñäşmä barışın başlatuların äytte.

Maqsatlarınıñ Süriyädä daimi çişeleş tırışularına öleş kertü buluına basım yasawçı Çavuşoğlu şuşı maqsattan çığıp näticäle cıyılışlar ütkärülären, Süriyädäge humanitar wazğiyätne tikşerülären belderde.

6 million yarımnan kübräk süriyäleneñ çit ildä yäşäwen, bolarnıñ 3.4 millionınıñ Törkiyädä buluın añlatuçı Çavuşoğlu: "Törkiyä Süriyäneñ territorial’ bötenlegen saqlarğa, tınıç xalıqnı yaqlarğa häm terror oyışmaları belän köräşüen däwam itäçäk”, - dip äytte.

10 yıldır Süriyädäge wazğiyätne qullanuçı terror oyışmalarınıñ buluına işaräläwçe Mäwlüt Çavuşoğlu cıyılışta Süriyäneñ çik buyı bötenlegen yaqlawlarına basım yasawların assızıqladı.

Çavuşoğlu, Süriyäneñ berlegenä qağılışlı yaqlawnıñ däwam itäçägen belderep: "Monnan soñğı cıyılışnı Törkiyädä ütkärü mäs’äläsendä kileştek. Maqsatıbız Süriyädä daimi tınıçlıqnıñ urnaştırıluı”, - dip äytte.

Rusiyä tışqı êşlär ministrı Sergey Lavrov isä: "Törkiyä, Rusiyä häm Qatar Süriyädä separatizm omtılışlarına qarşı köräş alıp baru mäs’äläsendä kileşte”, - dip belderde.



Bäyläneşle xäbärlär