Çavuşoğlu Qırğızstanda

Qabul itü waqıtında säyäsi, säwdä, iq’tisadi, mädäni häm humanitar ölkälärdä könüzäk xezmättäşlek mäs’äläläre quzğatıldı.

Caparov bıyıl 30 yıllığı qotlanğan Qırğızstan-Törkiyä diplomatik mönäsäbätläreneñ bügenge torışınnan qanäğät buluların citkerde häm igençelek, tekstil’, taw sänäğäte, gidroêlektr häm başqa tarmaqlarda êş mönäsäbätläreneñ üsterelüeneñ urtaq kereşülärne buldıruınıñ häm xezmättäşlekne kiñäytüneñ möhimlegenä iğ’tibarnı yünältte.

Sadır Caparov Qırğızstan häm Törkiyäneñ iq’tisadi potenśialına turı kilä torğan möhim proyektlarnıñ tormışqa aşırıluınıñ zarurlığın häm taraflarnıñ urtaq säwdä külämen 1 milliard dollarğa citkerü öçen härtörle tırışlıq kürsätüeneñ ähämiyätenä basım yasadı.

Bişkäktä Ata Bäyit memorialına da barğan ministr Çavuşoğlu soñınnan qırğız wazıyfadaşı Ruslan Qazaqbayev belän oyıştırılğan urtaq matbuğat oçraşuında ike yaqlı mönäsäbätlärne quzğatuların citkerde.

Mäwlüt Çavuşoğlu Qırğızstan-Törkiyä Manas universitetınıñ da ike il qardäşlegeneñ bilgese buluın äytte.

Tışqı êşlär ministrı Çavuşoğlu, mäğarif yäki başqa ölkälärdä “Fätullahçı” terror oyışması (FETÖ) kebek oyışmalarğa ixtıyac bulmawına iğ’tibarnı yünältep: "(FETÖ) barı tik bezneñ öçen genä tügel, Qırğızstan öçen dä qurqınıç”, - dip belderde.

Monı här forsatta telgä aluların assızıqlawçı Çavuşoğlu: "Mondıy terror oyışmalarınnan da, cinayätçel çeltärlärennän dä tulısınça qotılaçaqbız”, - dip äytte.

İke ilneñ mäğarif häm belem ölkäsendä dä xezmättäşlekne üsterüenä iğ’tibarnı yünältüçe Çavuşoğlu “Mäğarif” waqıfınıñ Qırğızstanda belem sıyfatı bik yaxşı bulaçaq räweştä balalar baqçasınnan liśeyğa qadär mäktäplär açaçağın belderde.

Çavuşoğlu: "Mäğarif mäktäbe Urta Aziyada açılaçaq berence Mäğarif waqıfı mäktäbe bulaçaq. Bu da Qırğızstanğa bez birgän ähämiyätneñ kürsätkeçe”, - dip äytte.

Qırğızstan tışqı êşlär ministrı Qazaqbayev ta: "Qırğızstan belän Törkiyä – tele ber, dine beri ke qardäş il. İke il arasında bernindi säyäsi problema yuq”, - dip äytte.

Qazaqbayev: "Qırğızstanğa “Mäğarif” waqıfınıñ kilüen, mäktäp açuın häm mäğarifkä öleş kertüen kötäbez”, - dip assızıqlap äytep uzdı.