Әрдoгaн кeшe xoкуклaры гaмәл плaнын aчыклaды / Ärdoğan keşe xoquqları ğamäl planın açıqladı

İlbaşı Ärdoğan Bäştäpä Millät kongress häm mädäniyät üzägendä Keşe xoquqları ğamäl planın tanıtu cıyılışında çığış yasadı.

Keşe xoquqları ğamäl planınıñ 2 yıl êçendä tormışqa aşırıluı öçen äzerlänüenä basım yasawçı Ärdoğan: “Vizionı irekle şäxes, köçle cämğiyät, demokratik Törkiyä bularaq bilgelängän ğamäl planıbız 11 töp nigez belän başlıy”, - dip äytte.

Ärdoğan bu nigezlärneñ berence öçesen şuşı räweşle sanap uzdı:

1- Keşe tuğannan birle waz kiçelmäs xaq-xoquqları belän yäşi. Däwlätneñ töp maqsatı häm wazıyfası – şuşı xaq-xoquqlarnı saqlaw häm üsterü.

2- Keşe däräcäse böten xaqlarnıñ asılı bularaq xoquqnıñ aktiv saqlawı astında.

3- Tel, ıruğ, tös, cenes, säyäsi töşençä, fälsäfi ışanu, din, mäzhäb häm oxşaş säbäplär nigezendä bernindi diskriminaśiyäsez härkem xoquq aldında tigez.

İlbaşı Keşe xoquqları ğamäl planınıñ 9 maqsatın isä şuşı räweşle citkerde:

1- Tağın da köçle keşe xoquqların saqlaw sisteması

2- Xökem itü bäysezlege häm ğadel xökemgä tartu xoquqınıñ köçäytelüe

3- Xoquqi aldan kürüçänlek häm ütä kürenmälelek

4- Süz irege, oyıştıru häm din iregen saqlaw häm üsterü

5- Keşe iregeneñ häm iminlegeneñ köçäytelüe

6- Keşeneñ matdi häm ruxıy bötenlege belän şäxsi tormışnıñ ışanıç astına alınuı

7- Milek xoquqların tağın da êffektiv yaqlaw

8- Zäğıyf’ törkemnärne saqlaw häm sośial’ mullıqnıñ köçäytelüe

9- Keşe xoquqları mäs’äläsendä yuğarı däräcäle idari häm ictimağıy xäbärdarlıq