Cirle barmaq êzen tanu sisteması
Törkiyä üze yasağan biometrik mäğ’lümat sistemasın qullanılışqa kertä
1578811
Törkiyädä cirle barmaq êzen tanu sisteması kiläse ayda qullanıla başlıy. Êçke êşlär ministrlığınnan belderülärençä, kriminal’ tikşerenü, şäxesne açıqlaw häm kemlekne raslaw êşlären tizlätü häm iminlekne arttıru öçen başlanğan biometrik mäğ’lümat sisteması proyektınıñ berençe êşlänmäse mart ayınnan qullanılışqa kerä. Annan migraśiyä idaräse belän xalıq häm watandaşlıq êşläre ğomum mödirlege faydalanaçaq.
Sistema soñınnan poliśiyä häm jandarmeriyanıñ kriminalistika büleklärendä dä qullanılaçaq.
Törkiyä älegä qadär çit ildä çığarılğan biometrik mäğ’lümat sistemaların qullana. Ul, şulay itep, üz mömkinlekläre belän oxşaş sistema yasağan 7nçe däwlät bulaçaq.
