Tağın 5 terrorçı birelde

Törkiyä êçke êşlär ministrlığı terror oyışmasınıñ 5 äğ’zaseneñ künderü yulı belän birelüen, täslim bulğan oyışma äğ’zaläreneñ berseneñ ğailäseneñ Diyarbaqırda 520 kön däwam itkän bala näwbätendäge ğailälär arasında buluın belderde.

Ministrlıqtan yasalğan belderügä kürä, Êçke êşlär ministrlığı koordinaśiyäsendä Jandarmeriya ğomum komandirlığı häm İminlek ğomum mödirlege alıp barğan ışandıru êşçänlege näticäsendä “PKK/KCK” terror oyışmasınnan qaçqan 5 äğ’zä iminlek köçlärenä birelde.

Belderüdä täslim bulğan oyışma äğ’zalärennän berseneñ ğailäseneñ Diyarbaqırda 520 kön buyı däwam itkän bala näwbätendäge ğailälär arasında buluı assızıqlanıp: "Täslim bulğan oyışma äğ’zaläre belän bergä bala näwbätendä 23nçe qawışu bulsa, 2021nçe yılda barı tik künderü yulı belän birelüçelärneñ sanı isä 21gä citte”, - dip äytelde.

Birelgän terrorçılarnıñ 2008nçe, 2010nçı häm 2015nçe yıllarda terror oyışmasına quşıluı häm soñğı tapqır Ğıyraqta häm Süriyädä êşçänlek alıp baruı bilgelände.