Törkiyä Roxin’ya möselmannarı öçen borçıla

Törkiyä M’yanmadağı xärbi tüntäreleşne kisken ğayepläde. Tışqı êşlär mşnistrlığınnan yasalğan belderüdä M’yanma armiyäseneñ bügen idaräne qulğa töşerüennän tiränten borçılu citkerelde. Anda Törkiyäneñ här tüntäreleş häm xärbi tıqşınuğa qarşı buluı äytelä.

“M’yanmada saq astına alınğan barlıq saylap quyılğan liderlarnıñ, säyäsi şäxeslär häm grajdanlılarnıñ kiçekmästän irekkä cibärelüen kötäbez,”-diyelä belderüdä.

Törkiyä M’yanmada xalıqnıñ ixtiyarı belän oyıştırılğan yaña parlamentnı tiz arada cıyarğa, saylanğan liderlar häm demokratik oyışmalarnıñ qarşına quyılğan çikläwlärne yuqqa çığarırğa çaqırdı.   

“Bu qurqınıç waqıyğa M’yanmada awır şartlarda yäşäwçe Roxin’ya möselmannarınıñ xälen tağın da naçaraytmas dip ömetlänäbez,”-diyelä Törkiyäneñ tışqı êşlär ministrlığı yasağan belderüdä.