Kabinet cıyılışında nilӓr söylӓşelӓçӓk?

Cıyılış kön tärtibendä könüzäk möhim mäs'älälär urın ala

1574479
Kabinet cıyılışında nilӓr söylӓşelӓçӓk?

 

Törkiyӓ ilbaşı idarӓse kabinetı çirattağı cıyılışın ilbaşı Rӓcӓp Tayyip Ӓrdoğan rӓislegendӓ bügen ütkӓrӓ.

Cıyılış kön tӓrtibendӓge töp mӓs’ӓlӓ – koronavirus belӓn körӓş. Ӓlege tema belӓn bӓyle sӓlamӓtlek saqlaw ministrı Fӓxretdin Kocanıň çığış yasawı kötelӓ.

Kovid -19 belӓn körӓş qısasında kürelgӓn çaralar, çiklӓwlӓr rejimı ,alarnı kilӓçӓktӓ dӓwam itterü yӓisӓ kimetü belӓn bӓyle qarar qabul itelӓçӓk.

Privivkalar raspisaniyese dӓ – cıyılış kön tӓrtibendӓge başqa ber mӓs’ӓlӓ. Qıtay, Germaniya hӓm Rusiya belӓn alıp barılğan vakśina êşçӓnleklӓre hӓm cirle vakśinadağı soňğı wazğıyӓt’ tӓ küzdӓn kiçerelӓçӓk.

Xӓzergӓ qadӓr uquçı balalar distanśion belem ala ide, cıyılışta anı mӓktӓplӓrdӓ dӓwam itterü - ittermӓw mӓs’ӓlӓse dӓ qaralaçaq.

Reforma barışı  xökümӓtneň könüzӓk möhim mӓs’ӓlӓläre arasında urın ala. Bu nisbӓttӓn bӓylӓneşle ministrlar xökem çığaru hӓm iq’tisad reformalarındağı soňğı wazğıyӓt’kӓ bӓyӓ birӓçӓk.

Tışqı sӓyӓsӓt başçasında isӓ Awrupa Berlege hӓm Amerika Quşma Ştatları belӓn başlatılğan yaňa barış, kilӓse könnӓrdӓ ütkӓrü küzdӓ totılğan Törkiyӓ – Awrupa Berlege sammitı hӓm Könçığış Urta diňgez konferenśiyӓsenӓ ӓzerleklӓr dӓ bügenge cıyılışta qaralaçaq maddӓlӓr arasında urın ala.



Bäyläneşle xäbärlär