"Urlanğan köymäçelärdän xäbär yuq"

Törkiyä tışqı êşlär ministrı Mäwlüt Çavuşoğlu Törkiyä Mäclesendä Gvineya qultığında urlanğan köymä belän bäyle açıqlaw yasadı.

“Watandaşlarıbızğa höcüm oyıştırıldı. 15 watandaşıbıznı yulbasarlar urladı. Köymä çista, iminlek belän bäyle problemabız yuq. Ber watandaşıbız yaralanğan, xäle yaxşı,” – dide ul.

Törkiyä ilbaşı Räcäp Tayyip Ärdoğannıñ baştan uq barışnı yaqınnan küzätep baruın assızıqlağan Çavuşoğlu: “Xäzergä qadär yulbasarlardan xäbär kilmäde. Töbäk illäreneñ barısı belän dä êlemtägä kerdek,” – dide.

Liberiya bayraqlı “Mozart” isemle köymä aldağı könne Nigeriyaneñ Lagos şähäre sulıqlarında diñgez yulbasarları tarafınnan höcümgä duçar qalğan ide.

19 keşelek êkipaj personalınnan berse üterelde, 15e urlanğan ide.

Qotılğan 3 personal köymäne kiçä Gabonnıñ Gentil portına kiterde.