Ärdoğan urlanğan köymäneñ kapitanı belän söyläşte

Törkiyä ilbaşı Räcäp Tayyip Ärdoğan Nigeriya sulıqlarında piratlarnıñ höcümenä duçar bulğan korabnıñ kapitanı Furkan Yaren belän yañadan telefon aşa söyläşte. İlbaşı älege waqıyğanı yaqınnan küzätep bara. Ul piratlar qulınnan qotılıp Gabonda yakor’ atqan köymädäge 3 êkipaj äğ’zasınıñ sawlığı xaqında mäğ’lümat aldı häm alarğa izge teläklären citkerde. İlbaşı Ärdoğan urlanğan xezmätkärlärne qotqaru öçen êşçänlekneñ däwam itüen belderde.

Liberiya bayraqlı, ämma töreklär êşlätüçe “Mośart” isemle köymä kiçä Nigeriyanıñ Lagos şähärennän yaqınça 180 mil yıraqlıqta diñgez banditları tarafınnan höcümgä duçar buldı. 19 keşelek êkipajdağı 1 azärbaycanlı diñgezçe üterelde, 15e urlandı. Piratlardan qotılğan 3 keşe korabnı kiçä Gabonnıñ Gentil portına kiterde.