Törkiyädä koronavirus: soñğı wäzğıyät'

Kovid-19 belän bäyle soñğı köndä bilgele bulğan kürsätkeçlär

1389562
Törkiyädä koronavirus: soñğı wäzğıyät'

Törkiyädä soñğı 24 säğat’tä koronavirustan 73 keşeneñ ğomere özelde. Şulay itep, kizü başınnan birle ülüçelärneñ sanı 28 meñ 358 buldı.

Ber köndä 126 meñ 527 test yasaldı häm 658 yaña awıru oçrağı açıqlandı. Köndälek yoqtıru kürsätkeçe isä – 9 meñ 572.

Soñğı ber köndä xastaxanädän çıqqan 6 meñ 210 keşe belän sawığuçılarnıñ sanı 2 million 546 meñ 503kä citte.

Törkiyä sälamätlek saqlaw ministrı Fäxretdin Koca: “Xäzer bez global’ kizüneñ sośial’ tormışqa täêsire häm ğadäti tormışqa kire qaytudan alda kilüçe çordan uzabız, cirle qararlar birü waqıtı,”-dide. Ul Fän oyışması belän cıyılıştan soñ belderü yasadı.  

“8 million keşene vakśinalaştırdıq. Şularnıñ 1 million yarımına ikençe doza da yasaldı. Vakśinalaştıru planındağı berençe êtapnıñ axırına yaqınlaştıq,”-dip söyläde ministr.
 



Bäyläneşle xäbärlär