Rayon başlığına - Tayvan'nan xalıqara büläk

Ul şähär yanında êtlär awılı oyıştırğan

1569074
Rayon başlığına - Tayvan'nan xalıqara büläk
Serkan Guzel kopek koyu.jpg
kopek koyu.jpg

Törkiyäneñ Niğdä töbägendä êlekkege çüplek mäydanın “Êtlär awılı” dip atağan Çiftlik xakimiyäte başlığı Särkan Güzälgä xalıqara büläk tapşırıldı. Anı Tayvan’nıñ “Yuğarı osta Çing Xay isemendäge xalıqara cämğıyät”e birä. Ul “Yaqtı dön’ya liderlığı büläge” dip atala.

Xakimiyät başlığı Särkan Güzäl beldergänçä, rayonda êlekkege çüplek mäydanın çistartıp andağı  taw bitlärenä uram xaywannarı öçen 60 quış yasağannar. Bu êş uzğan yılnıñ ğıynvar ayında başlanğan. Soñınnan cirlekkä 20 êt oyası, 20 aşaw häm su sawıtı urnaştırğannar. Anı êt awılı dip atağannar.  

“Uram xaywannarı suıqtan saqlana ala torğan ber urın yasadıq. Xakimiyät häm xaywan söyüçelär alarnıñ köndälek tuqlanuın täêmin itä,”-dip söyli Särkan Güzäl.  

Bıyıl Tayvan’dağı cämğıyät’ koronavirus arqasında tantana oyıştırmağan. Särkan Güzälgä büläkne poçta belän cibärgännär.



Bäyläneşle xäbärlär