Törkiyädä koronavirus: ğadäti tormışqa qaytu başlana

Kovid-19 belän bäyle soñğı köndä bilgele bulğan kürsätkeçlär

1389562
Törkiyädä koronavirus: ğadäti tormışqa qaytu başlana

Törkiyädä soñğı 24 säğat’tä koronavirustan 69 keşeneñ ğomere özelde. Şulay itep, kizü başınnan birle ülüçelärneñ sanı 28 meñ 638 buldı.

Ber köndä 130 meñ 506 test yasaldı häm 645 yaña awıru oçrağı açıqlandı. Köndälek yoqtıru kürsätkeçe isä – 9 meñ 891.

Soñğı ber köndä xastaxanädän çıqqan 5 meñ 947 keşe belän sawığuçılarnıñ sanı 2 million 578 meñ 181gä citte.

Törkiyä ilbaşı Räcäp Tayyip Ärdoğan 2nçe marttan başlap kontrolle räweştä ğadäti tormışqa qaytu başlanaçağın citkerde. Ul kabinet cıyılışınnan soñ Kovid-19 kizüe belän köräş turında belderülär yasadı.

Ärdoğan kizügä qarşı çaralar kertelä başlağan könnän soñ yaqınça 1 yıl uzuın xäterlätte. Ul aqrınlap ğadäti tormışqa qaytunıñ söyençesen citkerde.

Törkiyädä barlıq töbäklärne 4 risk törkemenä büldelär: bik yuğarı, yuğarı, urtaça häm az risklı. Ärdoğan bu kategoriyälärneñ här atna küzdän kiçereläçägen äytte. 2 atnada ber urını belän qatğıylaştıru yäisä ciñeläytü yasalaçaq.

“Törkiyä, 9 millionnan artıq keşene vakśinalaştırıp, bu nisbättän xalıqnıñ 10%ı tiräsenä ireşte häm dön’yada berençe 5 däwlät arasına kerde,”-dide Räcäp Tayyip Ärdoğan.    

 



Bäyläneşle xäbärlär