Cirle xäbärläşü programmaları bulaçaq

Törkiyä ilbaşı Räcäp Tayyip Ärdoğan  aldağı çorda tiz arada xäbärläşü programmalarınıñ milli häm cirle asqorması köçen telägän däräcägä citkeräçäklären belderde. Ul Radiotelevideniye jurnalistları cämğıyäteneñ media Oskar büläkläre tantanasında çığış yasadı.  

Ärdoğan sośial’ media şirkätläreneñ Törkiyä mäxkämäläre çığarğan terrornı häm köç qullanunı yaqlağan akkauntlar belän bäyle qararlarınıñ bersen dä diyärlek tormışqa aşırmawın äytte.

“Bez xalqıbıznıñ xaq häm xoquqların saqlawda üzlären qanunnan östen sanawçı sośial’ media kompaniyäläreneñ basımına baş imäyäçäkbez,”-dide ul.

Ärdoğan bolay dip östäde: “İlebez çikläre êçendä niçek terrorçılıqqa röxsät birmäsäk, śifrlı dön’yada da terrorçılıqnı propagandalawğa, terrorçılıqnıñ nigez saluına yul quymayaçaqbız”. Törkiyä ilbaşı bu nisbättän cirle xäbärläşü programmaların yañartaçaqların da citkerde.