Törkiyädä koronavirus: soñğı sannar

Kovid-19 belän bäyle soñğı köndä bilgele bulğan kürsätkeçlär

1389562
Törkiyädä koronavirus: soñğı sannar

Törkiyädä sonğı täwlektä koronavirustan 173 keşeneñ ğomere özelde. 

Kizü başınnan birle ildä älege çirdän 23 meñ 325 watandaş yaqtı dön’yadan kitte.

Ber täwlektä 173 meñ 603 test yasalıp, 971 yaña xasta açıqlandı. Könlek yoqtıru kürsätkeçe isä – 9 meñ 554.

Däwalanuı tögällängän  9 meñ 463 keşe belän koronavirusnı ciñüçelär sanı 2 million  227 meñ 927gä citte.

Törkiyädä irtägä koronavirustan vakśinalaştıru kampaniyäse başlana.

Aşığıç qullanu röxsäte birelgännän soñ “Koronavak” vakśinası sälamätlek saqlaw ministrı Fäxretdin Kocağa yasaldı. Ul: “Kizüne tuqtatqanğa qadär vakśinanı qullanırğa, kisätü çarası häm çikläwlärne ütärgä tiyeşbez,”- dip belderde.

Ministr bolay dip däwam itte: “Härkemneñ hiçşiksez vakśina yasatuı kiräklegen assızıqlarğa telim. Êlekkege tormışqa kire qaytu öçen vakśinanı qadatu möhim”.

 



Bäyläneşle xäbärlär