Törkiyä belän Albaniya yaña säxifä aça

İke ilneñ liderı oçraştı

1558924
Törkiyä belän Albaniya yaña säxifä aça

Törkiyä ilbaşı Räcäp Tayyip Ärdoğan Albaniya belän iq’tisadi xezmättäşlekkä yaña yünäleş birergä teläwlären belderde.  

Ärdoğan başqala Änkarada Albaniya xökümäte räise Êdi Rama belän küzgä-küz häm delegaśiyälärara oçraşulardan soñ urtaq matbuğat oçraşuında çığış yasadı.  Anda ul älege däwlätneñ asqorma häm turizmına investiśiyälärne arttırırğa planlaştıruların citkerde.  
Ärdoğan Törkiyä yärdäme belän Albaniyada xastaxanä tözeläçägen äytte. Monnan tış, “Albaniyädä Mäğarif waqıfına tapşırılğan universitet nigezendä İstanbul texnik universitetınıñ fililı qorılaçaq,”-dide Törkiyä ilbaşı.   

Albaniya xökümäte räise Êdi Rama isä Ärdoğan belän oçraşuında ike il arasında mönäsäbätlärdä yaña säxifä açu öçen köçle teläk kürüen äytte. Ul uzğan yıllarda Albaniyädä bulğan cir teträwlärdä yärdäm itkän häm härwaqıt yannarında bulğan törek xalqına räxmäten belderde.



Bäyläneşle xäbärlär