Tışqı êşlär ministrı Çavuşoğlu: "Çikläwlär bezneñ möstäqillek xoquqlarıbızğa höcüm"

Tışqı êşlär ministrı Mäwlüt Çavuşoğlu Törkiyäneñ sankśiyälär belän kire adım yasamayaçağın härkemneñ belüen äytte

1554033
Tışqı êşlär ministrı Çavuşoğlu: "Çikläwlär bezneñ möstäqillek xoquqlarıbızğa höcüm"

Törkiyä-Rusiyä urtaq strategik planlaştıru törkemeneñ 8nçe cıyılışı öçen Rusiyägä kitkän Mäwlüt Çavuşoğlu Rus wazıyfadaşı Sergey Lavrov belän Soçi şähärendä oyıştırılğan urtaq matbuğat oçraşuında çığış yasadı.

Çavuşoğlu çığışında Amerika Quşma Ştatlarınıñ Törkiyägä qarata Rusiyädän S-400 hawa saqlanu sistemaların aluı arqasında CAATSA (AQŞnıñ doşmannar belän sankśiyälär yulı belän köräş alıp baru qanunı) sankśiya qararın bäyäläde.

"Bu çikläwlär bezneñ möstäqillek xoquqlarıbızğa höcüm”, - dip äytüçe Çavuşoğlu: “Sankśiyälär belän kire adım yasamayaçağıbıznı härkem belsen”, - dip belderde.

Çığışında Törkiyäneñ Liviyağa yärdäme mäs’äläsenä tuqtalıp uzuçı Çavuşoğlu: "Başqa ber ilneñ yäki teläsä qaysı ber keşeneñ, moña (Liviyanıñ könçığışındağı legal’ bulmağan qorallı köçlärneñ liderı) Hafter da kerä, “Törkiyä kitep barsın”, - dip äytü xoquqı yuq”, - dip  basım yasadı.

Yaña tör koronavirus (Kovid-19) belän köräş dä ministrlarnıñ kön tärtibendä ide.

Çavuşoğlu Kovid-19 belän köräş qısalarında Rusiyä belän imzalanğan kileşü belän Törkiyädä urtaq vakśina yasalaçağın açıqladı.

Törkiyä-Rusiyä säwdä êlemtälärenä dä tuqtalıp uzuçı Çavuşoğlu, Rusiyäneñ (xäzerge kvotalarnıñ tuluınnan soñ) Törkiyädän pomidor êksportına qağılışlı kvotalarnı arttıraçağın äytte.

Sergey Lavrov ta yasağan çığışında Rusiyädä êşläp çığarılğan saqlanu sistemasın satıp aluı arqasında Amerika Quşma Ştatlarınıñ Törkiyägä qarşı sankśiya qararı belän bäyle bularaq xoquqsız çikläwlärgä qaramastan Änkara belän xärbi-texnik berlekne däwam itteräçäklären äytte.



Bäyläneşle xäbärlär