250 yıl êlek batqan korab tabıldı

Korabta qamırlı sawıtlarğa qadär saqlanğan

1541147
250 yıl êlek batqan korab tabıldı

Törkiyädä İzmir töbäge Foça rayonı tiräsendä 18nçe ğasır axırlarında batqan xärbi korab barlığı açıqlandı. Anı Tuğızınçı sentyabr’ isemendäge universitetnıñ diñgez fännäre häm texnologiya institutı  korab hälakätläre kartasına östäde.  

Koymä yaqınça 55 metr tiränlektä. Anda 20 timer häm bronza puşka, bik küp sanda tup yädräse häm cilkän cihazlarınıñ öleşläre tabıldı. Dingez töbendä korab korpusınıñ taqtaları da saqlanğan. Monnan tış, qızıqlı tabıldıqlar arasında koñğırt qamırlı häm buyawlı İtaliyä aşxanäse sawıt-sabası da bar. Yaqınça 250 yıl êlek batqan köymädäge tälinkä, su şeşäse, törepkä häm ağaç kätük kisäklären çığarıp Su astı arxeologiyäse muzeyına tapşırdılar.

Foça Ğosmanlı çorında ähämiyätle diñgez bazası bulğan. Şulay itep, ul tirädä tabılğan batqan xärbi köymälär sanı 5kä citte.

Korabnıñ qaysı ilneke buluı häm nindi maqsat belän qullanıluın açıqlaw öçen êşçänlek alıp barıla.



Bäyläneşle xäbärlär