TRT WORLD Forum 2020: "Zur köçlärneñ Balkandağı köndäşlege"

Xorvatiyanıñ êlekke däwlät başlığı Ivo Yosipoviç: "Töbäkneñ tınıçlığı häm mullığınıñ urnaştırıluında illärneñ êçke säyäsäte möhim, çönki töbäkneñ iñ zur probleması yänä üzennän kilä”, - dip äytte

1538806
TRT WORLD Forum 2020: "Zur köçlärneñ Balkandağı köndäşlege"

"Pandemiyadan soñ dönyada xalıqara tärtip häm üzgärgän dinamikalar" iseme belän dürtençese uzdırılğan TRT World Forum 2020 qısalarında "Zur köçlärneñ Balkandağı köndäşlege" temalı utırış oyıştırıldı.

Yaña tör koronavirus (Kovid-19) çaraları qısalarında bıyıl onlayn ütkärelgän “TRT World Forum 2020” qısalarındağı utırışta qatnaşqan belgeçlär bigräk tä Awrupa Berlege, Amerika Quşma Ştatları, Rusiyä häm Qıtaynıñ Balkan illärendäge yoğıntısın tikşerde.

Xorvatiyanıñ êlekke İlbaşı Ivo Yosipoviç Awrupa Berlege, Amerika Quşma Ştatları, Rusiyä häm Qıtay kebek zur köçlärneñ Balkanda aktiv buluın belderep: "Töbäkneñ tınıçlığı belän mullığınıñ urnaştırıluında illärneñ êçke säyäsäte möhim, çönki töbäkneñ iñ zur probleması şulay uq üzennän kilä”, - dip äytte.

Rusiyä häm AQŞnıñ töbäktä iq’tisad, ênergetika häm säyäsät ölkälärendä aktiv buluına iğ’tibarnı yünältüçe Yosipoviç Qıtaynıñ isä soñğı yıllarda iq’tisad tarmağında täêsirle rol’ uynawına basım yasadı.

Töbäktäge töp dilemmanı bäyäläwçe Yosipoviç: "Töbäk illäre Awrupa Berlege äğ’zase bulaçaqmı, yuğıysä Rusiyäneñ yoğıntısında qalaçaqmı? Awrupa Berlege – yasalğan iñ tınıç, kileşü yaqlı programmalardan berse. Töbäk illäreneñ Berlekkä kerüe – suğışnıñ bulmayaçağın garantiyäläw mäğ’näsenä turı kilä”, - dip äytte.

Bosniya-Hersegovinadağı Srebreniśa iskä alu üzäge mödire Ämir Sulyagiç ta Rusiyäneñ bigräk tä xärbi, iq’tisad häm informaśiya ölkälärendä şaqtıy ildä aktiv buluına tuqtalıp uzıp: "Rusiyäneñ iminlek ölkäsendä dä yoğıntısı zur. Rusiyä töbäk illären üzenä qarap nığıtırğa tırışa”, - dip belderde.

Sulyagiç, Rusiyäneñ Amerika Quşma Ştatları belän Awrupa Berlegeneñ töbäktäge yoğıntısın cimerergä tırışuı fikeren yaqlap, Awrupa Berlegeneñ Bosniya-Hersegovinada soñğı çorda yäşängän migrant krizisında täêsirsez qaluın äytte.



Bäyläneşle xäbärlär