Törkiyä İran ğalimeneñ üterelüen ğayepläde

Muxsin Faxrizadä Tähranda qorallı höcüm näticäsendä hälaq buldı

1536154
Törkiyä İran ğalimeneñ üterelüen ğayepläde

Törkiyä İran ğalime Muxsin Faxrizadäneñ üterelüen ğayepläde.

Tışqı êşlär ministrlığı Faxrizadäneñ qorallı höcüm näticäsendä hälaq buluı belän bäyle belderü çığardı. Anda bolay diyelä: “İran fän ähele Muxsin Faxrizadäneñ Tähranda qorallı höcümgä duçar bulıp ülüe bezne borçuğa saldı. Bu qotoçqıç üterüne ğayeplibez, İran xökümäte häm märxümneñ ğailäseneñ qayğısın urtaqlaşabız”.

Belderüdä Törkiyäneñ regiondağı tınıçlıq häm xozurnı bozarğa mataşuçı barlıq omtılışlarğa, terrorçılıqnıñ här törlesenä qarşı buluı citkerelä.

“Bu nisbättän, älege ğamälne qıluçılarnıñ tabıluın häm xökem qarşında cawap birüläre täêmin itelüen telibez, barlıq yaqlarnı ayıq aqıl häm saqlıq belän xäräkät itärgä, regionda kiyerenkelekkä kiteräçäk adımnar yasamasqa çaqırabız,”-diyelä Törkiyä tışqı êşlär ministrlığınıñ belderüendä.



Bäyläneşle xäbärlär