"Barlıq platformalarda Qudüs mäs'äläsen yaqlıybız"

Ärdoğan Fälästin millätenä xalıqara teläktäşlek könendä yullama yasadı

1536347
"Barlıq platformalarda Qudüs mäs'äläsen yaqlıybız"

İlbaşı Räcäp Tayyip Ärdoğan Törkiyäneñ barlıq platformalarda Qudüs däğ’wasın yaqlap çığuın belderde. Anıñ yullaması Parlamentlarara Qudüs platformasınıñ İstanbuldağı yaña binasınıñ açılış tantanası häm “29nçı noyabr’ Fälästin millätenä xalıqara teläktäşlek köne” çaralarında qatnaşuçılarğa uqıldı.

Ärdoğan anda yaña binanıñ xäyerle buluın teli. “Fälästin millätenä xalıqara teläktäşlek könendä barlıq Fälästin xalqın çın küñeldän sälamlim. Parlamentlarara Qudüs platforması êşçänlege, cıyılış häm konferenśiyäläre belän fälästinle qardäşlärebezneñ ğadel köräşeneñ global’ däräcädä tawışı häm sulışı bula,”-di ul. Ärdoğan Qudüs mäs’äläseneñ barı tik Fälästinneke tügellegen, 1,8 milliardlı İslam dön’yasınıqı buluın äytte.

“Törkiyä isemennän barlıq platformalarda Qudüs däğ’wäsen yaqlıybız, fälästinle qardäşlärebezgä qarata alıp barılğan basıp alu, zolım häm genośid säyäsäten tuqtatu öçen bar köçebezne quyabız,”-dip söyläde Ärdoğan.



Bäyläneşle xäbärlär