Çavuşoğlu Nigerdä Mal’divlar häm Çad wazıyfadaşları belän küreşte
Törkiyä Tışqı êşlär ministrı Mäwlüt Çavuşoğlu İslam xezmättäşlek oyışmasınıñ 47nçe tışqı êşlär ministrları şurası cıyılışında qatnaşu öçen kitkän Niger başqalası Niameydä Mal’divlar häm Çad wazıyfadaşları belän oçraştı
Diplomatik çığanaqlardan alınğan mäğ’lümatkä kürä, Çavuşoğlunı hawa mäydanında Niger tışqı êşlär ministrı Kalla Ankourao qarşı aldı.
Çavuşoğlu annan soñ cıyılış qısalarında Çad tışqı êşlär ministrı Aminä Abba Sıddıq häm Mal’div tışqı êşlär ministrı Abdullah Şahid belän ike yaqlı söyläşülär ütkärde.
“Twitter” akkauntınnan urtaqlaşqan yazmasında Çavuşoğlu Çad tışqı êşlär ministrı Sıddıq belän êçkersez oçraşu ütkärülären belderep: "İslam xezmättäşlek oyışmasınıñ yaña ğomum särkätibeneñ saylanuı mäs’äläsenä tuqtalıp uzdıq. Çadlı qardäşlärebezgä mäğarif häm üseş ölkäsendäge yärdämebez däwam itäçäk”, - dip äytte.
Çavuşoğlu ayıruça Mal’divlar tışqı êşlär ministrı Şahid belän dä küreşep söyläşüen citkerep: "İq’tisad, säwdä, igençelek häm mäğarif tarmaqları belän bergä xezmättäşlegebezne här ölkädä üsteräçäkbez. Törek hawa yullarınıñ Malegä başlatqan oçışları illärebez arasındağı turizmğa möhim öleş kertäçäk”, - dip belderde.
