Әрдoгaн: “Төркия экспaнциoнист xәрәкәт aлып бaрмый” / Ärdoğan: “Törkiyä êkspanśionist xäräkät alıp barmıy

İlbaşı Räcäp Tayyip Ärdoğan Törkiyäneñ regional’ problemalar belän şöğillängän çaqa berqayçan da êkspanśionist xäräkät alıp barmawın belderde

1534154
Әрдoгaн: “Төркия экспaнциoнист xәрәкәт aлып бaрмый” / Ärdoğan: “Törkiyä êkspanśionist xäräkät alıp barmıy

Ğomum başlığı bulğan “Ğadälät häm qalqınu” partiyasınıñ Törkiyä Böyek Millät Mäclesendäge törkem cıyılışında çığış yasawçı İlbaşı Ärdoğan: "Törkiyä bularaq regional’ mäs’älälär belän şöğıl’längän çaqta, global’ sistemanıñ ğadelsezleklären beldergän yäki krizislarğa qatışqan çaqta hiç êkspanśionist añlayış belän xäräkät itmibez. Hiçber ilneñ cir-tufrağı bezne qızıqsındırmıy, bez üz milli iminlegebezne täêmin itärgä tırışabız,” – dip äytte.

Süriyädä, “DEAŞ” terror oyışması belän turıdan-turı bäreleşkän berdänber NATO ileneñ Törkiyä buluına basım yasawçı Ärdoğan Törkiyäneñ 9 meñgä yaqın çit il terrorçısın totqarlap, illärenä cibärüen xäterlätte.

Ärdoğan il cirläre aşa bäreleşlär bulğan töbäklärgä kiçüne totqarlaw öçen ğadättän tış tırışlıq sarıf itülären assızıqladı.

Awrupa Berlegeneñ “İrini” operaśiyäse qısalarında Urta diñgezdä törek köymäsendä ütkärgän xoquqsız tentügä dä tuqtalıp uzuçı İlbaşı Greśiya häm Kön’yaq Kipr grek töbägeneñ böten provokaśiyälärenä qaramastan Törkiyäneñ Könçığış Urta diñgezdä salqın qanlı xäräkät itüenä qaramastan ber törek köymäsenä höcüm buluın belderep: "Monıñ xalıqara diñgez xoquqında urını yuq”, - dip äytte.

Törkiyäneñ Tawlı Qarabaxta 30 yıllıq ğadelsezlekneñ beterelüenä öleş kertüen dä xäterlätüçe Ärdoğan: "İlebezneñ yärdäme näticäsendä Azärbaycan cirläre bulğan Qarabaxtağı ärmän okkupaśiyası beterelde, daimi çişeleşkä qağılışlı ömetlär berençe tapqır arttı. Törkiyä, Azärbaycan häm Rusiyä bularaq töbäktä tınıçlıqnıñ ışanıçı, garantiyası bulaçaqbız. Yaqınça 30 yıllıq soñaru belän bulsa da xaq-xoquq urnaştı, Qarabaxta Azärbaycan bayrağı celferdi”, - dip belderde.



Bäyläneşle xäbärlär