Akar: “Törkiyä häm AQŞ arasında ozaq xezmättäşlek yolası bar”

“Galifaks” Xalıqara iminlek forumına video konferenśiya belän totaşqan Akar Törkiyä häm AQŞ mönäsäbätlären bäyäläde. Hulusi Akar: "Amerika Quşma Ştatları belän mönäsäbätlärebezdä başqa illärneñ dä bulğanı kebek qayçağında töşülär häm kütärelülär, kisken qaraş ayırmalılıqları, älbättä, bar, ämma şunı da onıtmıyq: ike il arasında awırlıqlarnı xäl itkän ozaq xezmättäşlek yolabız bar”, - dip äytte.

Ministr Akar ike ilneñ ozaq yıllar buyı qaqşamaz berlektäş buluına basım yasadı.

İke ilneñ Koreyada, Somalidä, Balkanda, Äfğanstanda häm dönya külämendä başqa cirlärdä bik yaqınnan iñgä-iñ, bergäläp êşläwen, ämma, qızğanıç, qayçağında qaraş ayırmalılıqlarınıñ ike ilneñ urtaq kön tärtibennän häm uñışlı xezmättäşlegennän tağın da alğa çığuın assızıqlawçı Akar abaylap alunıñ çınbarlıqnı tomalap aluın häm bu wazğiyättän taypılunıñ zarurlığın citkerde.