“Berlektäşlärebez belän köçle xezmättäşlek telibez"

Bu xaqta Törkiyä ilbaşı Räcäp Tayyip Ärdoğan belderde

1531813
“Berlektäşlärebez belän köçle xezmättäşlek telibez"

Törkiyä ilbaşı Räcäp Tayyip Ärdoğan Aq partiyaneñ Kütaxya, Afyonkarahisar, Batman häm Siirttäge 7nçe kongresslarında turıdan-turı êlemtä qorıp, qatnaştı.

Ärdoğan biredä yasağan çığışında maqsatlarınıñ härkem belän tatulıqta yäşäw buluın assızıqlap: “Berlektäşlärebez belän tağın da köçle xezmättäşlek başqarırğa telibez. Awrupa Berlegennan bezgä ayırıp qaramawın, ilebezne doşman itep kürmäwen telibez. Bez üzebezne başqa cirdä tügel, ä Awrupada küräbez, kiläçägebezne Awrupa belän qorunı küzallıybız.

Rusiyä häm İran kebek nıqlı tarixlarıbız bulğan illärgä iğtibarsız qala almıybız. İslam dön’yası häm Törki dön’ya belän tirän mönäsäbätlärebez bar. Törkiyäneñ bernindi il häm oyışma belän säyäsät, diplomatiya, dialog yärdämendä çişelä alınmayaçaq probleması da yuq,” – dide.

İlbaşı koronavirus belän köräşkä dä tuqtalıp, yaña çaralarnı kürergä mäcbür buluların äytep, tübändägeçä citkerde: “Bu yaña dulqın betkäç yaqtı kiläçäk bulaçaq. Xoquqıy asqorımabıznı nığıtıp, iqtisadıbız nigezlären köçäytep, citeşterü häm êş belän täêmin itüne arttırıp, kizüdän soñ yañaraçaq dön’yada üzebezgä yaxşı urın alıp qaluda täwäkkäl bez.”



Bäyläneşle xäbärlär