Törkiyä yaña üseşkä äzerlänä

İlbaşı Ärdoğan kizü çorın forsatqa äwerelderü turında söyläde

1531319
Törkiyä yaña üseşkä äzerlänä

İlbaşı Räcäp Tayyip Ärdoğan Törkiyäne iq’tisadta häm demokratiyädä yaña kütärelü yulına kertüdä nıqlı qararğa baruların belderde. Ul İstanbulda 18nçe MÜSİAD EXPO kürgäzmäsendä çığış yasadı. İlbaşı xalıqnıñ sälamätlegen dä saqlarğa, citeşterü belän mäşğul’lekne dä xilaflıqlarsız alıp barırğa tırışuların söyläde.

Ärdoğan koronavirus kizüe belän köräş mäs’äläsendä kiräkle här närsäne êşläwlären, ğalimnärneñ kiñäşlären totuların belderde. “Şartlarnı döres itep qullanıp, bu çornı forsatqa äwerelderü öçen qararıbız nıq. Kizüneñ 2nçe dulqını böten dön’yanı  qaplağan waqıtta bezdäge xäl çağıştırmaça yaxşı,”-dide ul.

İlbaşı iq’tisadta häm demokratiyädä Törkiyäne yaña üseş däwere kötüen citkerde. “Törkiyäne kredit prośentı – inflyaśiyä – valyuta kursı äylänmäsennän çığaruıbız şart. İnflyaśiyä- näticä. Monı şulay añlarğa kiräk. İq’tisadi säyäsätebezne nığıtaçaq, demokratiyä häm bäysezleklärebezne kütäräçäk häm xalqıbıznıñ köndälek tormışında uñaylıqlarğa kiteräçäk xäzerleklär yasıybız,”-dip söyläde Räcäp Tayyip Ärdoğan.



Bäyläneşle xäbärlär