Süriyäle siam igezäklären Änkarağa kiterdelär
Ber-berenä yabışıp tuğan qızçıqlarnı Törkiyädä däwalayaçaqlar
1526248
Süriyäneñ Afrin şähärendä 14 kön êlek dön’yağa kilgän siam igezäklären Törkiyäneñ sälamätlek saqlaw ministrlığı oçqıçı belän başqala Änkarağa kiterdelär.
Älege ike qız bala 4 kilo 200 gramm awırlığında tua. 4nçe noyabr’dä alarnı Törkiyäneñ Xatay töbägendäge Zäytün talı tamojnya qapqasınnan aşığıç yärdäm maşinası belän Xatay Mostafa Kämal universitetı tikşerenü xastaxanäsenä kiterälär. Biredä siam igezäkläre berençe däwalanuların uza. Kiçä kiçke säğat’lärdä isä alarnı utırtqan aşığıç yärdäm oçqıçı Änkaranıñ Äsänboğa aêroportına töşep utırdı. Bäbäylärne Xacättäpä universitetınıñ balalar xastaxanäsenä saldılar. Biredä siam igezäklären däwalaw däwam itäçäk.