“Törkiyӓneň ruxıy hӓm sӓyӓsi yӓrdӓmnӓre ciňüdӓ zur rol’ uynadı”

Bu xaqta Azӓrbaycan ilbaşı İlham Aliyev belderde

1526085
“Törkiyӓneň ruxıy hӓm sӓyӓsi yӓrdӓmnӓre ciňüdӓ zur rol’ uynadı”

 

Azӓrbaycan ilbaşı İlham Aliyev ileneň ciňügӓ ireşüendӓ Törkiyӓneň ruxıy hӓm sӓyӓsi yӓrdӓmeneň zur rol’ uynawın belderde.

Aliyev ciňü qazanu öçen böten xalıqnıň berdӓm buluın assızıqladı.

İlham Aliyev ozaq yıllar ata-babalarınnan yıraq yӓşӓrgӓ mӓcbür bulğan watandaşlarnıň qısqa waqıtta illӓrenӓ qaytaçaqların ӓytte.

Azӓrbaycan ilbaşı , dӓwlӓt bularaq, ul keşelӓrne kire qaytaru öçen bar köçlӓren quyaçaqların belderep:” Lӓkin iň êlek qurqınıçsızlq çaraları kürelergӓ tiyeş. Doşman ul töbӓklӓrneň böten cirenӓ diyӓrlek minalar quydı. Xӓzer minalardan arındıru başlanırğa tiyeş. Bez bu êşkӓ xalıqara oyışmalarnı çaqırabız. Çönki monı qısqa waqıt êçendӓ êşlӓrgӓ mömkinleklӓrebez çikle. Berençe çiratta – qurqınıçsızlıq, annan soň – asqorma, annarı başqa problemalar çişelӓçӓk”,-dide.

Aliyev uramnarda keşelӓrneň ciňüne bӓyrӓm itülӓren belderep: “Bu bӓyrӓm bezdӓge kebek Törkiyӓdӓ dӓ qotlana. Bu tabiği. Çönki bez ber millӓt, ike dӓwlӓt. İlbaşı Rӓcӓp Tayyip Ӓrdoğanğa bu könnӓrdӓ berniçӓ tapqır rӓxmӓtlӓremne citkerdem.Törkiyӓneň bezgӓ kürsӓtkӓn ruxıy hӓm sӓyӓsi yӓrdӓmnӓre ciňüdӓ zur rol’ uynadı. Azӓrbaycan xalqı monı yuğarı bӓyӓli”,- dide.  



Bäyläneşle xäbärlär