Törkiyädän Greśiyağa dialog çaqıruı

Törkiyä Greśiyanı tağın ber tapqır alşartsız dialoğqa çaqırdı

1519879
Törkiyädän Greśiyağa dialog çaqıruı

Tışqı êşlär ministrlığı süzçese Hami Aqsoy Törkiyäneñ Könçığış Urta diñgezdäge seysmik tikşerenü êşçänlege belän bäyle bularaq: "İlebez xalıqara xoquqqa bäyle xaq-xoquqları qısalarında töbäktäge êşçänlegenä däwam itäçäk”, - dip äytte.

Greśiya Tışqı êşlär ministrlığınıñ kiçä Törkiyäneñ Könçığış Urta diñgezdäge qıytğa kiñlegendä alıp barğan seysmik tikşerenü êşçänlegenä qağılışlı nigezsez raslawların qabatlağan tağın ber belderü yasawın citkerüçe Aqsoy Greśiyanıñ maksimalist raslawlarına nigezlänep här “Navteks”tan soñ (diñgezçelärgä iğ’lannan soñ) Törkiyäneñ êşçänlegenä qarşı töşüneñ faydasız tırışlıq buluın assızıqlap äytep uzdı.

Törkiyäneñ Greśiya belän xezmättäşlekkä häm ike il arasındağı problemalarnı dialog yulı belän xäl itärgä äzer buluın belderüçe Aqsoy: "Älbättä, ilebezneñ häm Tön’yaq Kipr Törek Cömhüriyäteneñ legal’ xaq-xoquqlarınıñ häm mänfäğät’läreneñ saqlanuı qatğıylıq belän däwam iteläçäk”, - dip äytte.



Bäyläneşle xäbärlär