İzmirdä ülüçelär arta

İzmirdäge cir teträwdä wafat buluçılarnıñ sanı 62gä citte. Berse batıp ülgän. Yaralanuçı 940 keşeneñ 722se xastaxanädän çıqtı, 281 keşeneñ isä däwalanuı däwam itä.

Zilzilädän iñ nıq zarar kürgän Bayraklı rayonında 9 binada êzläw-qotqaru êşläre däwam itä.

İlbaşı Räcäp Tayyip Ärdoğan kiçä İzmirdäge cir teträwdä cimerelgän ber yortnıñ yanına kilde.

Afät häm ğadättän tış xällär idaräse 30nçı oktyabr’dä Törkiyä waqıtı belän 14 säğat’ 51 minutta Êgey diñgezendä İzmirneñ Säfärixisar rayonınnan 17 çaqrım yıraqlıqta 6,6 ball zurlığında cir teträw terkälüen belderde. Anıñ 16,54 çaqrım tiränlektä buluı açıqlandı.