Franśiyӓdӓge ӓxlaqsız karikaturalarga Törkiyӓ reakśiya belderde

 Törkiyӓ ilbaşı urınbasarı Fuat Oktay Franśiyanıň Çarli Xebdo jurnalınıň ilbaşı Rӓcӓp Tayyip Ӓrdoğan turındağı ӓxlaqsız basmasın lӓğ’nӓtlӓwen belderde.

Fuat Oktay üzeneň tvitter akkauntında bu xaqta tübӓndӓgelӓrne yazdı: “Fiker irege artına yӓşerenep berӓwne dӓ aldıy almıysız. İlbaşıbız turındağı ӓxlaqsız basmanı lӓğ’nӓtlim. Ӓxlaqlı, vöcdanlı xalıqara cӓmӓğӓt’çelekne bu xurlıqqa qarşı çığarğa öndim”.

Törkiyӓ ğadӓlӓt ministrı Abdulhamit Gül ӓlege mӓs’ӓlӓ belӓn bӓyle tvitter akkauntında tübӓndӓgelӓrne citkerde:

”Awrupanıň keşelek qıymmӓtlӓrennӓn mӓxrüm qalğan faşistlar , sez süz iregeneň nӓrsӓ ikӓnen belmisez. Sez ütkӓnnӓn bügengӓ qadӓr tuplağan qanunsız hӓm ӓxlaqsız oyat bitlӓrenӓ kön sayın yaňa bit östisez. Şunı belegez hӓm istӓ totığız: ilbaşı Rӓcӓp Tayyip Ӓrdoğan berqayçan da yalğız yörmӓyӓçӓk”.

İlbaşı idarӓse süzçese İbrahim Qalın da Törkiyӓ ilbaşın maqsat itep alğan franśuz “Çarli Xebdo” jurnalın ğayeplӓde.

Qalın üzeneň tvitter akkauntında bolay dip yazdı: “Keşe xoquqlarına höcüm yumor hӓm fiker irege tügel. Bolar bu rӓweşle barı tik üz ӓxlaqsızlıqların ğına kürsӓtӓlӓr. Aqıllı fiker yörtüçe hӓrkemne monı ğayeplӓrgӓ hӓm kire qağarğa çaqıram”.

İlbaşı idarӓseneň êlemtӓ bülege başlığı Fahrettin Altun tvitter aşa tübӓndӓgelӓrne urtaqlaştı: “Bu jurnalnıň mӓdӓni rasizm hӓm nӓfrӓt taratu öçen cirӓngeç omtılışın ğayeplibez. Bu açıqtan açıq Franśiya liderı üz ile öçen telӓgӓn ksenofobik, islamofobik  hӓm tüzemsez mӓdӓni moxit ӓsӓre”.

Franśuz jurnalına “Ğadӓlӓt hӓm qalqınu” partiyӓse süzçese Ömӓr Çelik tӓ reakśiya belderde. Ul ilbaşı Ӓrdoğannıň nıqlı totışı bu nӓfrӓt frontınıň ikeyözle ӓxlaqsızlığın ciňüen dӓwam itӓçӓgen iskӓrtte hӓm ışanularnı xörmӓt itkӓn hӓrkemne bu jurnalnı qarğarğa öndӓde.