"Bez qabilä däwläte tügel, Törkiyä"

İlbaşı Ärdoğan Franŝiya häm AQŞqa reakŝiya belderde

1515564
"Bez qabilä däwläte tügel, Törkiyä"

Törkiyä ilbaşı Räcäp Tayyip Ärdoğan Ğadälät häm qalqınu partiyaseneñ Malatyadağı 7nçe kongressında çığış yasadı.

“Faşizm bezneñ kitapta yuq. Ul sezneñ kitapta yazılğan. Bez soŝial’ ğadälät belän yäşibez. Xäzerge waqıtta Franŝiya xaqimiyätendäge zat yulınnan çıqqan, irtä-kiç Ärdoğannı söyli. Sin başta üzeñä qara. Tikşerüdän uz. Äle tağın Niderlandta tağınn beräw bar (Niderlandnıñ Bäysezlek partiyase ğomüm başlığı Geert Wilders). Ul da bezneñ belän bäyle närsälär yaza. Urınıñnı bel. Kem beläñ mataşuıñnı beläseñme?” – dide ilbaşı.

Ärdoğan Amerika Quşma Ştatları yasağan S-400 sistemaları belän bäyle açıqlawlarğa reakŝiya belderep tübändägeçä citkerde: “Bez qabilä däwläte tügel, ä Törkiyä.”

İlbaşı çığışında Urta diñgezdä xaqsızl häm xoquqsız kereşülärgä qarşı adımnarnıñ yasaluın, yanaw däräcäsenä qadär kilep citkän kirtä quyu tırışlıqlarına duçar qaluların belderde.

Qavqazda üz cirlären saqlawçı Azärbaycan qardäşlärgä teläktäşlek kürsätkännäre öçen ğayeplänelülären assızıqlağan Ärdoğan: “Qayber Amerikalılar İlham Aliyev qardäşemä şaltıratıp bolay di: “Bez sezneñ yanığızda kemneñ toruın beläbez. Ärdoğan bar, Törkiyä bar. Bez Törkiyägä dä waqıtı citkäç çikläw kerterbez.” Bolar kem belän mataşuların belmi axırısı. Çikläwne kert äydä, soñğa qalma. Bez sezdän F-35 xärbi oçqıçlarnı alu öçen adım yasadıq, aqçabıznı tülädek. Sez alarnı birmädegez, birmisez. Bezgä yanadığız S-400lärne Rusiyägä kire cibäregez dip. Bez qabilä däwläte tügel şul, ä Törkiyä,” – dide.



Bäyläneşle xäbärlär