Höcümgä xäzerlängän terrorçılarnı êläkterdelär

Separatist terrorçı oyışma PKKnıñ taw otryadında urın alğan häm megapolislarda höcüm yasaw öçen öyrätelgän 4 terrorçısın êläkterdelär. Törkiyäneñ Diyarbakır töbäk jandarmeriya komandalığınnan belderülärençä, alar terrorçı oyışmağa 2013nçe yılda kergän. 4se dä şartlawçı matdä häm zur şähärlärdä terrakt yasaw öçen öyrätelgän. Älege terrorçılar oyışmanıñ “yäşeren şähär” strukturasında toralar häm “yoqımsırawçı küzänäk” bularaq xäzerlektä kötälär.   

4 şöbhäle İstanbul häm Diyarbakırda ber ük waqıtta oyıştırılğan operaśiyälärdä êläkterelä. Jandarmeriyadan alarnı mäxkämägä iltälär häm anda qorallı terrorçı oyışmağa kerü ğayebe belän qulğa alınalar.

Süz uñayınnan, terrorçılardan berseneñ Diyarbakır däwlät xastaxanäsendä anesteziolog buluı bilgele.