Ärdoğan Bosniya-Gerśegovinanıñ êlekkege däwlät başlığın iskä aldı

Bosniya-Gerśegovinanıñ êlekkege däwlät başlığı Aliya İzzätbegoviçnıñ ülüenä 17 yıl tuldı. Törkiyä ilbaşı Räcäp Tayyip Ärdoğan anı iskä alıp Twitterda yazma urtaqlaştı. “Aliyaİzzetbegoviç” êtiketı belän çıqqan älege yazmada “Räxmät, xörmät, sağınu belän…” süzläre urın ala.

Ärdoğan anda İzzätbegoviçnıñ süräte häm “Tormış - ışanğan häm yaxşı ğamäl qılğannar tışında, berkem dä otmıy torğan uyın” süzläre kergän räsem dä urtaqlaşa.

İzzätbegoviç serb häm xorvatlarnıñ Bosniya-Gerśegovinanı üz aralarında büleşü maqsatı belän 1990nçı yıllarda başlağan genośid waqıtında ilneñ bäysezlegen saqlap qaluğa ireşte. Ul 2003nçe yılnıñ 19nçı oktyabrendä küzlären mäñgelekkä yomdı.