"Sakarya çığanağında tabiği gaz rezervlarınıň ğomumi külӓme 405 milliard kub metrğa citte"

Bu xaqta ilbaşı Ärdoğan belderde

1510943
"Sakarya çığanağında tabiği gaz rezervlarınıň ğomumi külӓme 405 milliard kub metrğa citte"

 

Törkiyӓ ilbaşı Rӓcӓp Tayyip Ӓrdoğan  hӓm anı ozatuçı  ilbaşı urınbasarı Fuat Oktay, qazna hӓm finans ministrı Bӓrat Albayrak, ilbaşı idarӓseneň êlemtӓ bülege başlığı Fahrettin Altun, ilbaşı idarӓse süzçese İbrahim Qalın “Fatix” köymӓsenӓ kilde.

İlbaşı “Fatix” köymӓsendӓ borawlaw belӓn idarӓ itü palatasında êşlӓwçe xezmӓtkӓrlӓrgӓ mörӓcӓğӓt’ itte hӓm Sakarya gaz çığanağında borawlaw êşlӓren tӓmamlarğa quştı.

Sakarya gaz çığanağında 20 nçe iyül’dӓ başlanğan borawlaw êşlӓreneň bügen tӓmamlanuın beldergӓn Ӓrdoğan, “Fatix” köymӓsendӓ cirle hӓm milli mömkinleklӓr belӓn citeşterelgӓn "KAŞİF" aldınğı texnologiya su ası köymӓse robotın da qaradı.

Törkiyӓ ilbaşı Ӓrdoğan:” Sakarya gaz çığanağınıň Tuna -1 (Dunay) töbӓgendӓge tabiği gaz rezervlarınıň ğomumi külӓme 405 milliard kub metrğa citte. Bezneň maqsat – bu gaznı 2023 nçe yılda xalqıbızğa tӓq’dim itü”,-dide.

Ӓrdoğan:” Test analizı hӓm centekle injener tikşerenülӓre nӓticӓsendӓ açılğan tağın 85 milliard kub metr östӓlde”,- dide.

Törkiyӓ ilbaşı “Bezgӓ berӓwneň dӓ xoquqları, xaqları, cirlӓre kirӓkmi. Qara diňgezdӓ hӓm Urta diňgezdӓ uglevodorod resursları êzlӓwne dӓwam itӓçӓkbez”,- dide.

 



Bäyläneşle xäbärlär