Törkiyä parlamentı başlığı Azärbaycanğa bara

Törkiyä Böyek Millät Mäclese başlığı Mostafa Şäntop parlament wäkillege belän bergä 18nçe-20nçe üktäbr’dä Azärbaycanğa säfär yasayaçaq

1510490
Törkiyä parlamentı başlığı Azärbaycanğa bara

Törkiyä Böyek Millät Mäclese räislegennän yasalğan belderügä kürä, Şäntop Azärbaycan İlbaşı İlham Aliyevneñ çaqıruı qısalarında bu ilgä räsmi säfär yasayaçaq.

Oçraşularına Azärbaycan Cömhüriyäteneñ Bäysezlek köne bulğan 18nçe üktäbr’dä başlayaçaq Şäntop 19nçı üktäbr’dä İlbaşı Aliyev tarafınnan qabul iteläçäk. Şuşı uq könne küp sanda räsmi oçraşu ütkäräçäk Şäntop 20nçe üktäbr’dä Azärbaycan Milli Mäclesenä möräcäğät itäçäk.

Şäntop yasağan belderüendä qardäş il Azärbaycanğa ike könlek räsmi säfär yasayaçaqların belderep: "Baqıdağı oçraşularıbızda Törkiyäneñ yaqlawın üzebez belän kiterüebezne häm Azärbaycannıñ bezdän qayçan nindi mäs’älädä genä yärdäm soramasın böten närsäne yasarğa äzer buluıbıznı tağın ber märtäbä telgä alaçaqbız. Ber millät, ike däwlät bularaq qayğı-mixnätlärebez häm şatlıq-söyeneçlärebez urtaq. Töbäktä tınıçlıqnıñ, xozurnıñ, ğadälätneñ häm xalıqara xoquqnıñ nigezläreneñ xökem sörüe – Törkiyäneñ berdänber maqsatı”, - dip äytte.



Bäyläneşle xäbärlär