Ärdoğan Awrupa Berlegen êzlekle bulırğa çaqırdı

Törkiyä ilbaşı Awrupa Berlege şurası räise Çarl’z Mişel’ belän söyläşte

1508093
Ärdoğan Awrupa Berlegen êzlekle bulırğa çaqırdı

Törkiyä ilbaşı Räcäp Tayyip Ärdoğan Awrupa Berlege şurası räise Çarl’z Mişel’ belän telefonnan söyläşte.

İlbaşı cämäğat’çelek belän êlemtä idaräsennän belderülärençä, anda süz Törkiyä belän Awrupa Berlege mönäsäbätläre, Könçığış Urta diñgezdäge waqıyğalar häm başqa regional’ mäs’älälär xaqında bara.

Ärdoğan söyläşüdä Törkiyä belän Awrupa Berlege arasındağı bäyläneşlärgä can örü, berlekneñ 18nçe mart kileşüendä äytelgän burıçların cirenä citkerüe, Tamgaxanä berlege häm viza irege mäs’äläsendä alğa kiteşne täêmin itü kiräklegen äytte.

İlbaşı Törkiyäneñ yaxşı niyätle adımnar yasawına qaramastan, Greśiyäneñ Könçığış Urta diñgezdä kiyerenkelekne arttırunı däwam itüen assızıqladı. Anıñ äytüençä, Törkiyä kiñäş itkän Könçığış Urta diñgez konferenśiyäsen tormışqa aşıru öçen Awrupa Berlegennän konkret êşlär kötelä.

Ärdoğan Azärbaycan cirlären yawlap alğan Ärmänstannıñ tabiğıy gaz häm neft’ ütkärgeçläre uzuçı Tovuz töbägennän soñ Gäncä şähärenä höcüm itä başlawın, monıñ belän Awrupanıñ energetika qurqınıçsızlığın da qurqınıç astına quyuın söyläde. Ul Awrupa Berlegen Azärbaycannıñ cir bötenlege mäs’äläsendä êzlekle poziśiysen kürsätergä çaqırdı.



Bäyläneşle xäbärlär