Cтoлтeнбeрг: “Төркиянeң иминлeгe НAТO өчeн мөһим” - Stoltenberg: “Törkiyäneñ iminlege NATO öçen möhim”

Törkiyä Tışqı êşlär ministrı Mäwlüt Çavuşoğlu NATO belän bergä härkemneñ Ärmänstannı Azärbaycan cirlärennän çigenergä çaqırırğa tiyeş buluın äytte

1503254
Cтoлтeнбeрг: “Төркиянeң иминлeгe НAТO өчeн мөһим” - Stoltenberg: “Törkiyäneñ iminlege NATO öçen möhim”

Çavuşoğlu başqala Änkarağa kilgän  NATO Ğomum särkätibe Yens Stoltenberg belän küreşep söyläşüennän soñ matbuğat oçraşuın oyıştırdı.

Ärmänstannıñ Tawlı Qarabaxta turıdan-turı tınıç xalıqnı tämek itep aluına basım yasawçı Çavuşoğlu monıñ xärbi cinayät buluın belderde.

"Azärbaycan isä üz cirlären alu öçen köräş alıp bara”, - dip äytüçe Çavuşoğlu NATO belän bergä härkemneñ Ärmänstannı Azärbaycan cirlärennän çigenergä çaqıruı kiräk buluın äytte.

NATO Ğomum särkätibe Yens Stoltenberg isä Törkiyäneñ İttifaq öçen möhim il buluın belderde. Ğomum särkätip: "Törkiyä bez bik qıymmät birgän berlektäş, Äfğanstanda, Kosovada häm Ğıyraqta da NATOğa öleş kertä”, - dip assızıqladı.

Tawlı Qarabaxtağı höcümnärneñ artuına borçıluların citkerüçe Stoltenberg: "Tınıç xalıqnıñ ülüen kürgän çaqta borçıluıbız arta, ayıruça ênergiya çığanaqlarına kitereläçäk zarar da borçılu çığanaqlarınnan berse. Böten taraflarğa bäreleşlärneñ tiz arada tuqtatıluı zarurlığın citkerergä kiräk. Tawlı Qarabax mäs’äläseneñ xärbi çişeleşe yuq”, - dip äytte.

“NATO Törkiyäneñ tirä-yağındağı iminlek wazğıyätenä citdi itep qarıy”, - dip basım yasawçı Ğomum särkätip: "Törkiyä öçen yärdämnären arttıru mäs’äläsendä başqa berlektäşlärebez dä qararğa kilde. Törkiyäneñ iminlege NATO öçen möhim”, - dip äytte.



Bäyläneşle xäbärlär