Cirle vakŝinada alğarış

Koronaviruska qarşı alıp barıluçı cirle vakŝina êşçänlekläreneñ 3nçe könendä keşe östendä sınap qaraw êtabı başlandı.

Törkiyäneñ sälamätlek saqlaw ministrı Faxrettin Koca Tekirdağnıñ Kapaklı ilçäsendäge Koçak Farma qorılmalarında Kovid-19 belän köräş qısalarında cirle vakŝina êşçänlekläre alıp barılğan laboratoriyağa bardı, räsmi zatlardan mäğlümat aldı.

Annarı ministr Koca Törkiyä ilbaşı Räcäp Tayyip Ärdoğanğa şaltıratıp, êşçänleklär belän bäyle mäğlümat birde.

Sälamätlek saqlaw ministrı 13 cirle vakŝinadan 3esendä xayvan östendäge êşçänleklärneñ uñışlı tämamlanuın, keşe östendä sınap qaraw êtabınıñ başlanuın citkerde.

Ärdoğan da şatlanuın belderep, tırışlıq quyğan barlıq keşegä räxmätlären belderde.