Ärmänstannıñ qansızlığı - videoda

Törkiyä milli saqlanu ministrlığı 1992nçe yılda Xocalıda bulğan genośid küreneşlären urtaqlaştı häm Ärmänstannıñ bügen dä böten dön’yanıñ küz aldında ber ğayepsez tınıç xalıqnı üterüen belderde. Yazma Twitterda çıqtı. Ul – Ärmänstannıñ Azärbaycandağı toraq punktlarğa höcümnärenä reakśiyä.

Videoda Ärmänstannıñ 1992nçe yılda Tawlı Qarabax töbägendäge Xocalı şähärendä azerbaycannarğa qarşı qılğan qansızlıqları häm Tovuz höcümendäge bulğan xällär kürsätelä.

“Bala, xatın-qız, qart-qarçıq dip tormıyça Xocalıda tınıç xalıqnıñ qanın qoyğan, Azärbaycan cirlären basıp alğan Ärmänstan bügen dä böten dön’yanıñ küz aldında ber ğayepsez keşelärne üterä. Ärmänstan 30 yıl êlek nindi bulsa, bügen dä şulay uq tınıçlıq häm xozurnıñ doşmanı bularaq xäräkät itä,”-diyelä yazmada.

Videoda isä “30 yıl êlek Xocalıda çikkän ğazaplarıbız äle tınmağan ide, ber ğayepsez cannar bügen dä şul uq utta yana” süzläre urın aldı.