"Ärmänstan - terrorçı däwlät"

Törkiyä Ärmänstannıñ höcümnärenä kisken reakśiyä belderde

1498028
"Ärmänstan - terrorçı däwlät"

Ärmänstannıñ Azärbaycan armiyäse ob’yektları häm toraq punktlarğa höcüm itüenä Törkiyä kisken reakśiyä belderde.

Törkiyä Böyek Millät mäclese räise Mostafa Şäntop Twitter aşa belderü yasadı. Anda mondıy yullar bar: “Tınıç xalıqqa höcümnär şunı kürsätte, Ärmänstan barı Azärbaycanğa ğına yanamıy. Ul böten region tınıçlığın beterüçe tamır cibärgän terrorçı däwlät häm kilep çığaçaq problemalarnıñ berdänber cawaplısı. Törkiyä böten quäte belän Azärbaycannıñ yanında tora”.

Törkiyä ilbaşı idaräse süzçese İbrahim Kalın da Twitter aşa yasağan belderüendä Ärmänstannıñ toraq punktlarğa höcüm itep utnı tuqtatu kileşüen bozuın äytte. “Xalıqara cämäğat’çelek bu xätär provokaśiyäne tiz arada tuqtatırğa tiyeş. Törkiyä bu höcümnärgä qarşı Azärbaycan yanında. Ğomere özelgän qardäşlärebezgä Allahtan yarlıqaw sorıybız. Azärbaycan yalğız tügel. Törkiyäneñ tulı yaqlawına iyä,”-diyelä belderüdä.  

Xakimiyättäge AK partiyä süzçese Ömär Çälik tä Ärmänstannıñ Azärbaycanğa höcümnären ğayepläp bolay dip yazdı: “Ärmänstan tağın ber tapqır xoquq tanımawçı provokaśiyäsen tormışqa aşırdı. Ärmänstannıñ üterü çeltärläre bu höcümnär belän keşelek cinayäte qıla. Xalıqara cämäğat’çelek Ärmänstanğa qarşı tawışın kütärergä tiyeş”.



Bäyläneşle xäbärlär