"Törek millӓteneň hӓr ӓğ’zasın törek telen saqlarğa çaqıram"

Mӓdӓniyӓt hӓm turizm ministrı bu xaqta 26 nçı sentyabr’ -Törek tele bӓyrӓme uňayınnan urtaqlaşqan video yullamasında citkerde

1497753
"Törek millӓteneň hӓr ӓğ’zasın törek telen saqlarğa çaqıram"

Törkiyӓ mӓdӓniyӓt hӓm turizm ministrı Mӓxmӓt Nuri Êrsoy törek millӓteneň hӓr ӓğ’zasın törek telen saqlarğa çaqırdı.

 Ul bu xaqta 26 nçı sentyabr’ -Törek tele bӓyrӓme uňayınnan urtaqlaşqan video yullamasında citkerde.

Êrsoy telneň üzençӓlek buluın, asılnıň teldӓ saqlanuın, tarix hӓm mӓdӓniyӓtneň teldӓ tabıluın belderep,”Xis -toyğı, fiker-ideya, sӓnğӓt’ , fӓn - belem barısı da teldӓ. Bayraq kebek, Watan kebek izge ul tel. Şuňa kürӓ dӓ Azatlıq suğışınıň liderı Cömhüriyӓtneň berençe körӓş frontın teldӓ başlattı”,dide.

Ministr monnan 88 yıl êlek 26 nçı sentyabr’dӓ ğazıy Mostafa Kӓmal Atatörek qatnaşında uzğan 1 nçe Törek tele qorıltayında törek telen saqlaw cawaplılığınıň nigezlӓre salınuın assızıqladı.

Törkiyӓ mӓdӓniyat hӓm turizm ministrı Mӓxmӓt Nuri Êrsoy süzlӓren tübӓndӓgeçӓ dӓwam itterde: “Törek dönyasınıň tamırların, berdӓmlekne saqlap qalu, śivlizasiya mirasın yӓşӓtep kilӓçӓkkӓ tapşıru öçen ğaziz xalqımnıň hӓr ӓğ’zasın telebezne saqlarğa , qullanırğa ,tikşerergӓ hӓm öyrӓnergӓ çaqıram”.



Bäyläneşle xäbärlär